നീലേശ്വരം നഗരസഭയിലെ കടലാസുരഹിത സംവിധാനത്തിലൂടെ 30/04/2014 വരെ 910 ഉടമസ്ഥാവകാശ സര്‍ട്ടിഫിക്കറ്റുകള്‍ ഡൌണ്‍ലോഡ് ചെയ്യപ്പെട്ടിട്ടുണ്ട്. വസ്തുനികുതി കുടിശ്ശിക ഇല്ലാത്ത ആര്‍ക്കും ഈ സംവിധാനത്തിലൂടെ ഉടമസ്ഥാവകാശ സര്‍ട്ടിഫിക്കറ്റുകള്‍ നേരിട്ട് ഡൌണ്‍ലോഡ് ,ചെയ്ത് എടുക്കാവുന്നതാണ്. ഇനി മുതല്‍ ഈ ആവശ്യത്തിനായി അപേക്ഷയുമായി ആരും ഓഫീസ് കയറി ഇറങ്ങേണ്ടതില്ല.

01/01/2014 മുതല്‍ പേപ്പര്‍ലെസ് സംവിധാനം നീലേശ്വരം നഗരസഭയില്‍ നിലവില്‍  വരികയുണ്ടായി . 7 തരം സര്‍ട്ടിഫിക്കറ്റുകളാണ് ഈ സംവിധാനത്തിലൂടെ കൈകാര്യം ചെയ്യപ്പെടുന്നത്.

      നീലേശ്വരം നഗരസഭയെ കേരളത്തിലെ ആദ്യകടലാസുരഹിത ഡിജിറ്റൈസ്ഡ് നഗരസഭയാക്കി മാറ്റുന്നതിന്‍റെ ഭാഗമായി നഗരസഭാ കോണ്‍ഫറന്‍സ്ഹാളില്‍ ഏര്‍പ്പെടുത്തിയ ചടങ്ങ് ബഹു.സബ് കളക്ടര്‍ ശ്രീ.ജീവന്‍ബാബു ഐ.എ.എസ് ഉദ്ഘാടനം ചെയ്തു. ഇന്‍ഫര്‍മേഷന്‍ കേരളാമിഷന്‍ വികസിപ്പിച്ചെടുത്ത സോഫ്റ്റ് വെയറുകള്‍ ഉപയോഗിച്ചാണ് ഈ സംവിധാനങ്ങള്‍ ഒരുക്കിയത് .നഗരസഭാ ചെയര്‍പ്പേഴ്സണ്‍ വി.ഗൌരി അദ്ധ്യക്ഷയായി.